ALTO RESIDENCIAL COOP. é un edificio situado na parte máis elevada de Santa Marta (Santiago de Compostela), formado por 34 vivendas en 5 alturas e un local gastronómico e social, ademais das plantas de soto destinadas a aparcadoiro.
As unidades de vivenda inclúen diferentes tipoloxías de 1 a 4 dormitorios, 14 das cales se desenvolven en dobre planta. O programa das diferentes tipoloxías caracterízase pola riqueza espacial derivada do coidado co que se estudaron as relacións entre as distintas estancias que as conforman.
O destino do edificio é exclusivamente residencial, non existindo locais comerciais de ningún tipo.
O novo ensanche sur de Santa Marta converteuse na mellor área residencial e dotacional de Compostela. O edificio sitúase na parte máis elevada do ámbito de Santa Marta e a tan só 10 minutos camiñando desde a Praza Roxa, o Campus Universitario e o Hospital Clínico.
O edificio sitúase xunto ao parque Luís Pasín, un espazo de 50.000 m2 de unha gran diversidade de especies arbóreas e arbustivas que contribúen á calidade ambiental.
O edificio incorpora un local gastronómico e social para celebracións e eventos, actividades comunitarias, cursos, etc., totalmente equipado, incluíndo un espazo de cociña da firma Mobalco.
O deseño dos espazos comunitarios realízase con criterios de baixo custo de mantemento e consumo, iluminación led e instalacións de detección para ventilación e calefacción ao obxecto de conseguir a maior eficiencia enerxética e minimizar os custos comunitarios.
A edificación confórmase como un volume rotundo de fachadas continuas rematado por unha cuberta inclinada e un singular cumio que reforzan a imaxe tipológica do conxunto e que se materializa en concordancia ao revestimento metálico dos ocos de fachada.
Os accesos ás vivendas organízanse a través dun corredor a dobre altura que serve de gran vestíbulo común dos cinco núcleos interiores de comunicación. A relación entre o interior e o exterior das vivendas realízase a través dun sistema de contras practicables micro-perforadas de modo que, adicionalmente á función tradicional de iluminación e ventilación, engádeselles unha función de filtro que, permitindo a entrada de luz e de aire, limita a visión desde o exterior aumentando a privacidade das vivendas.
O edificio proxectado alcanzará a Cualificación Enerxética A en Emisións de Dióxido de Carbono. O deseño da súa fachada permite un elevado confort interior e un baixo consumo de enerxía nas vivendas, que incorporan un sistema centralizado de produción auga quente e calefacción mediante Aerotermia.
A eficiencia enerxética resulta favorecida coa instalación de calefacción por chan radiante a baixa temperatura, proporcionando unha calor uniforme e confortable en toda a superficie da vivenda, maior aproveitamento da luz natural -tanto nas vivendas como nas zonas comúns-, a colocación de elementos de protección solar na fachada para as épocas de maior exposición, a instalación de sistemas de cerramento e vidro de baixa transmisión térmica e materiais de construción que na súa produción respecten o medio ambiente.
100% Vendido
MOBALCO é unha firma de cociñas de recoñecido prestixio internacional que se caracteriza por un produto de alto deseño, respecto ao medio ambiente, materiais nobres e tecnoloxía artesanal.
ARIAL e MOBALCO uníronse neste proxecto para ofrecer aos interesados unhas condicións excepcionais para a adquisición de cociñas da firma.
Espazo para a exposición dos proxectos no que se poden comprobar as calidades e acabados dos nosos proxectos. Se desexas visitar o showroom debes solicitar cita previa.
Showroom Arial
Avda. da Liberdade 2 Baixo
Santiago de Compostela